Rubens, paysage, British Museum, (c) RMN

• Ruisseau qui cours aprés toy-mesme,
• Et qui te fuis toy mesme aussi,
• Arreste un peu ton onde icy,
• Pour escouter mon dueil extresme;
• Puis quand tu l'auras sceu, va t'en dire à la Mer
• Qu'elle n'a rien de plus amer.

• Raconte-luy comme Sylvie,
• Qui seule gouvernoit mon Sort,
• A receu le coup de la mort
• Au plus bel âge de la vie;
• Et que cet accident triomphe en mesme jour
• De toutes les forces d'Amour.

• Las ! je n'en puis dire autre chose,
• Mes souspirs trenchent mon discours:
• Adieu Ruisseau, repren ton cours,
• Qui non plus que moy ne repose,
• Que si par mes regrets j'ay bien pû t'arrester,
• Voila des pleurs pour te haster.