La sciença dins la lenga nòstra
Mèfi : Aquesto siti a pas mai d'existença propra, es solament un luèc per acampar toi lu fiquièr. Lo siti mairau es
lo blòg
Cu siéu ?
Siéu un "tesard" en fisica teorica, que travalha sus la cromodinamica quantica sus malhum (en inglés "lattice quantum chromodynamics"). Siéu naissut en 1985 a Nissa,
e aüra demòri a Marselha (vau provar d'escriéure en provençau). Totun fa pas fòrça temp que parli la lenga, e segur qu'i aura un molon de cagadas, cau
m'escusar. En fach aqueu siti es tanben un biais de melhorar la miéu lenga.
Per cu es fach aqueu siti ?
A vocacion a estre un siti de vulgarisacion, que deu estre capich per un licean de segonda... se es pas ver es que mi cau encara lo melhorar, e alora lo mi
cau senhalar.
Perque aqueu siti ?
Perque l'occitanisme non es viure en esclòps, volem viure al païs dins lo monde d'aüra. Cau mostrar que la lenga nòstra a ges de domani
restrench per lo siéu usatge : non es la lenga dei danças folcloriqui, pas mai qu'aquela dòu dialòg emé li bèstias. E se podem emplegar
la lenga per touti li cauas moderni, podem en particular l'emplegar per parlar de sciença. E l'occitanisme aurà capitat lo jorn onte semblarà
normau de parlar en occitan de cauas estrangi coma acò... coma si fasia dins lo sègle XV...
Una question es tanben perque non faire de páginas sus la Wikipèdia. Ai un pauc chifrat en aquò, siéu pas segur d'aver fach la bòna
causida, ma vòli quauquarren un pauc "personal" e non enciclopedic, pi si pòu totjorn faire de ligams de la Wikipèdia cap a aqueu siti.
Tièra d'articles da legir
Una primera trempeta dins l'univers dei quarks
Lo monde es simetrias
L'electromanhetisme, una fòrça qu'es pertot
Relativitat : de Galilei fins au graviton