Ur benveg evit aozañ hag implij restroù sonerezh er furmad ABC eo AbcNavigator. Mont a ra en-dro war urzhiataeroù doare PC dindan Win95, Win98 pe WinNT hepken (evit poent : anv 'zo « treuzdougen » anezhañ war doareoù urzhiataer all). Savet eo bet e-pad e eurvezhioù vak gant ur breton tomm ouzh sonerezh hengounel Bro-Iwerzhon (anezhañ ur soner ampart war ar banjo). Divizet en deus e chomfe digoust e veziant,  ha laouen e oa e vije savet an droidigezh vrezhonek anezhañ.

Kavet e vo amañ :

• Ul liamm davet pennbajenn AbcNavigator (e galleg), 'lec'h ma c'haller enkargañ ar meziant.
• Ul liamm davet pennbajenn al lavar ABC (e saozneg)  ma vez displeget enni tresoù pennañ ar « yezh »-se ha kavet e-leiz a liammoù ouzh dastumedennoù tonioù liesseurt pe veziantoù niverus evit plediñ ganti.
• Ur restr wasket enni stumm brezhonek etrefas ar meziant.
• Skridoù etrefas ar meziant e teir yezh : saozneg, galleg ha brezhoneg. Teir lodenn a ya d'e ober : menu (meuziadoù), string (hedadoù) ha hint (tunioù).